ದೇವ್‌ಬಾಗ್ ಬೀಚ್ ರೆಸಾರ್ಟ್, ಕಾರವಾರ

ಅವಲೋಕನ

ರವೀಂದ್ರನಾಥ್ ಟಾಗೂರ್ ರವರು ತರುಣರಾಗಿದ್ದಾಗ ಒಂದು ಬೆಳದಿಂಗಳಿನಲ್ಲಿ ಕಾರವಾರದ ಮೋಹಕ ಕಡಲತೀರದಲ್ಲಿ ಅದರ ಸೊಬಗನ್ನು ಆನಂದಿಸಿದ್ದರು. ಒಂದು ನದಿಯ ಮೇಲೆ ಅವರ ಸ್ನೇಹಿತರೊಂದಿಗೆ ಮಧ್ಯ ರಾತ್ರಿಯಲ್ಲಿ ಮಾಡಿದ್ದ ದೋಣಿ ವಿಹಾರವು ಬೆಳ್ಳಿ ಚಂದ್ರಮನ ಮನೋಭಾವಕ್ಕೆ ಪರಿವರ್ತಿತವಾಗಿದ್ದಿತು ಹಾಗೂ ಕಾರವಾರದ ಕಡಲತೀರದ ಮಿಂದು ಎದ್ದಿದ್ದಂತಹ ಬಿಳಿ ಮರಳುಗಳ ಉದ್ದಗಲಕ್ಕೂ ಅವರ ಒಂದು ಓಡಾಟವು ಯುವ ರವೀಂದ್ರನಾಥರ ಅಂತರ್ಜ್ಞಾನದ  ಸಾಕ್ಷಾತ್ಕಾರವಾಗಿದ್ದಿತು.  ಅವರು ತಮ್ಮ ಕರೆಯನ್ನು ಕಂಡುಕೊಂಡಂತಹ ಸ್ಥಳ. ಆ ರಾತ್ರಿ ಅವರು ತಮ್ಮ  ಮೊದಲ ನಾಟಕವನ್ನು “ಪರಿಕೃತಿರ್ ಪ್ರತಿಶೂತ” ಅಥವಾ “ “ಪ್ರಕೃತಿಯ ಸೇಡು” (ನೇಚರ್ಸ್ ರಿವೆಂಜ್) ಬರೆದರು – ಟಾಗೋರರು ಆ ನಾಟಕವನ್ನು ತಮ್ಮ ಸಾಹಿತ್ಯಕ ವೃತ್ತಿಯ ಉಗಮ ಎಂಬುದಾಗಿ ಪರಿಗಣಿಸಿದ್ದರು. ಕಾರವಾರ ಒಂದು ಉದ್ದಿಷ್ಟ ಸ್ಥಳ.  ಕೆಲವು ಸಲ ಅದುವೇ ನೀವು ನಿಮ್ಮೊಳಗೆ ತಲುಪಲು  ಬಯಸಿದ್ದಂತಹ ಸ್ಥಳವಿರಬಹುದು.

ಅನುಭವ

ಸರ್ವೋತ್ಕೃಷ್ಟವಾಗಿ ಕಡಲತೀರವನ್ನು ಪ್ರೀತಿಸುವವರಿಗೆ ದೇವಭಾಗ್ ಒಂದು ನಿಲುಗಡೆ ಸ್ಥಳವಾಗಿದೆ.  ಸೂರ್ಯ, ಮರಳು, ಅಲೆಗಳು, ಸಮುದ್ರ ಹಾಗೂ ಅಂತ್ಯವೇ ಇಲ್ಲದ ಮುಕ್ತ ಸ್ಥಳ, ಸ್ವತ: ನಿಮಗೆ ಒಂದು ಅತ್ಯುತ್ತಮ ಕಡಲತೀರವನ್ನು ಆನಂದಿಸಬೇಕೆಂಬ ಬಯಕೆಯಿದ್ದಲ್ಲಿ, ಅದು ದೇವಭಾಗ್ ಆಗಿರುತ್ತದೆ.  ಮರಳಿನ ಕೋಟೆಗಳ ನಿರ್ಮಾಣ, ಕಪ್ಪೆಚಿಪ್ಪಿಗಾಗಿ ಕಡಲತೀರದಲ್ಲಿ ಮರಳನ್ನು ಬಾಚುವುದು,    ಅಂತ್ಯವೇ ಇಲ್ಲದ ಕಡಲತೀರದ  ವಾಲಿಬಾಲ್ ಆಟಗಳು, ಉಸಿರುಕೊಳವೆಯಲ್ಲಿ ಉಸಿರಾಡುವುದು ಹಾಗೂ ವಿಶ್ರಮಿಸುವುದು ಹಾಗೂ ನಿಮ್ಮ ಎಲ್ಲಾ ಚಿಂತೆಗಳನ್ನು ತೊಳೆದುಹಾಕುವುದಕ್ಕಾಗಿ ಸಮುದ್ರಕ್ಕೆ ಅವಕಾಶ ನೀಡುವುದು, ದೇವಬಾಗ್ ಪ್ರಶಾಂತತೆ/ಶಾಂತಗಾಂಭೀರ್ಯತೆ ಹಾಗೂ ಅನ್ವೇಶಣ್ಯ ಒಂದು ವಿಶ್ವವನ್ನು ತೆರೆದು ತೋರಿಸುತ್ತದೆ; ಅಲ್ಲಿ ನೀವು ಈ ಅಂಶಗಳ ಜೊತೆಯಲ್ಲಿ ಒಬ್ಬರಾಗಿರಬಹುದು. ಉಳಿದವುಗಳಿಗೆ ಸಂಬಂಧಿಸಿದಂತೆ,  ಉಸಿರುಕೊಳವೆ, ವೇಗ ದೋಣಿ ಸಾಹಸಕ್ರೀಡೆ ವಿಹಾರಗಳು, ಬನಾನ ದೋಣಿ ಸವಾರಿ ಹಾಗೂ ಪ್ಯಾರಾ ಸೈಲಿಂಗ್/ಅರೆ-ಈಜುವಿಕೆ ಚಟುವಟಿಕೆಗಳಿರುತ್ತವೆ. ಈ ನಿಟ್ಟಿನಲ್ಲಿ ಒಂದು ಟ್ರೆಕಿಂಗ್ ಯಾವಾಗಲೂ ಒಂದು  ಆನಂದದಾಯಕ ಪ್ರತಿಫಲವನ್ನು ನೀಡುತ್ತದೆ ದೇವಭಾಗ್ ನಲ್ಲಿ ನೀವು ಈ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಬೇಕು.ಸಮೀಪದಲ್ಲಿರುವ ಮೀನು ಹಿಡಿಯುವವರ ಗ್ರಾಮವು ಅಲ್ಲಿನ ಮೀನುಗಾರರುಗಳು ತಾವು ಹಿಡಿದುತಂದಿರುವಂತಹ ತಾಜಾ ಮೀನುಗಳ ಜೊತೆಯಲ್ಲಿ ಬರುತ್ತಿರುವಂತಹ ಹಾಗೂ ಮೀನುಗಳ ರಾಶಿಯನ್ನು ವರ್ಗೀಕರಣಗೊಳಿಸುತ್ತಿರುವಂತಹ ಮೀನುಗಾರರ ಗುಂಪುಗಳ ಜೊತೆಯಲ್ಲಿ ಒಂದು ಆನಂದದಾಯಕ ದೃಶ್ಯವಾಗಿರುತ್ತದೆ, ಜೋಡಿದೋಣಿಗಳ ತೆಪ್ಪಗಳು ಸಮುದ್ರದಿಂದ ಬಂದು ಹೋಗಿ ಮಾಡುತ್ತಿರುವುದನ್ನು ವೀಕ್ಷಿಸುವುದು ಇನ್ನೂಹೆಚ್ಚಿನಒಂದುಸಂಭ್ರಮವಾಗಿರುತ್ತದೆ.ಮೀನುಗಾರರು ತಮ್ಮ ಬಲೆಗಳನ್ನು ಬೀಸುತ್ತಿರುವುದನ್ನು ಗಮನಿಸುವುದರಿಂದ ನೀವು ತೃಪ್ತರಾಗಿರದಿದ್ದಲ್ಲಿ, ಓರ್ವ ಮೀನುಗಾರರ ಜೊತೆಯನ್ನು ಪಡೆದು ಎರಡು ವ್ಯಕ್ತಿಗಳ ತೋಡುದೋಣಿಯನ್ನು ತೆಗೆದುಕೊಂಡು ಮೀನು ಹಿಡಿಯುವ ಗಾಳವನ್ನು ಹಿಡಿದು ನಿಮ್ಮ ಕೈಗಳಿಂದ ಪ್ರಯತ್ನಿಸಬಹುದು. ಮೀನು ಹಿಡಿಯುವ ಬಂದರಿನಲ್ಲಿ ಎಳೆಬಲೆಗಳಿಂದ ಮೀನು ಹಿಡಿಯುವ ದೋಣಿಗಳು, ತಾವು ಹಿಡಿದ ಮೀನುಗಳಿಂದ ಭಾರವಾಗಿದ್ದು ಮತ್ತು ತುಂಬಿದ್ದು, ಅವುಗಳನ್ನು ವೀಕ್ಷಿಸುವ ಅವಕಾಶವನ್ನು ಕಳೆದುಕೊಳ್ಳುವುದು ಬಹಳ ಕಷ್ಟ. ಅಥವಾ ನೀವು ಟಾಗೋರ್ ರವರ ಮಾರ್ಗವನ್ನು ಪುನರ್-ಕಂಡುಹಿಡಿಯಬಹುದು ಮತ್ತು ಅದರಿಂದ ಭೌದ್ಧಿಕ ಅಥವಾ ಭಾವುಕತೆಗಳ ಒಂದು ಯಾತ್ರೆಯನ್ನು ಮಾಡಬಹುದು. ನದಿಯು ಸಮುದ್ರವನ್ನು ಸೇರುವ ಸ್ಥಳದಲ್ಲಿ ಕಾಳಿ ನದಿಯಲ್ಲಿ ವಿಹರಿಸಿರಿ, ಅಲ್ಲಿ ಕುಣಿದಾಡುವ ಡಾಲ್ಫಿನ್ನುಗಳ ವೀಕ್ಷಣೆಯು ನಿಮಗೆ ಉಡುಗೊರೆಯಾಗಿ ಸಿಗುತ್ತದೆ. ಸಮೀಪದಲ್ಲಿಯೇ ಒತ್ತಟ್ಟಿಗೆ ಬೆಳೆದಿರುವಂತಹ ಮ್ಯಾಂಗ್ರೋವ್ ಗಳು ಪಕ್ಷಿಗಳ ವೀಕ್ಷಣೆಗೆ ಒಂದು ಉತ್ತಮ ಅವಕಾಶವಾಗಿರುತ್ತದೆ.  ಕಾರವಾರ ಕಡಲ ತೀರದ ಸಮೀಪ ಇರುವಂತಹ ಕುಮಾರಘರ್, ಓಯಿಸ್ಟರ್-ರಾಕ್, ಅಂಜುದೀಪ್ ಮತ್ತು ಸನ್ಯಾಸಿ ದ್ವೀಪಗಳು ಕಥನ-ಪುರಾಣ, ಅನಿರೀಕ್ಷಿತತೆಗಳು ಹಾಗೂ ಅತ್ಯದ್ಭುತ ಮೋಹಕತೆಯಲ್ಲಿ ಮುಳುಗಿರುತ್ತವೆ. ಸಂನ್ಯಾಸಿ ಬಂಡೆಯನ್ನು ಪುರಾಣಕಥೆಗಳ ಅನುಸಾರ, ಓರ್ವ ಸನ್ಯಾಸಿಯು ತನ್ನ ತಪಸ್ಸನ್ನು ಮಾಡುವ ಸಲುವಾಗಿ ಆಯ್ಕೆ ಮಾಡಿಕೊಂಡಿದ್ದನು ಹಾಗೂ ಅವನು ಮಾನವ ಸಂಪರ್ಕದಿಂದ ಸಂಪೂರ್ಣವಾಗಿ ಬೇರ್ಪಟ್ಟಿದ್ದರೂ ಸಹ ಹಣ್ಣುಹಣ್ಣು ಮುದುಕನಾಗುವವರೆಗೂ ಬದುಕಿದ್ದನು.ನೀವು ರಾಬಿನ್ಸನ್ ಕ್ರುಸೋಯ್ ಮಾಡುವ ಮನಸ್ಸಿನಲ್ಲಿದ್ದಲ್ಲಿ, ನಾವು ನಿಮಗಾಗಿ “ಒಂದು “ಅತ್ಯದ್ಭುತವಾದಂತಹ ಸಾಹಸಮಯ” ಅನುಭವವಾಗುವುದನ್ನು ವ್ಯವಸ್ಥೆ ಮಾಡುತ್ತೇವೆ. ಆಯಿಸ್ಟರ್-ಬಂಡೆಯಲ್ಲಿ, ಬ್ರಿಟೀಷರ ಸಾಮ್ರಾಜ್ಯದ ಕಾಲದಿಂದ ಬಂದಿರುವಂತಹ ಅತ್ಯಂತ ಹಳೆಯದಾದ ಮತ್ತು  ಕಣ್ಸೆಳೆಯುವ  ದೀಪದ ಮನೆ/ಲೈಟ್ ಹೌಸ್ ನಿಮ್ಮನ್ನು ನಿರೀಕ್ಷಿಸುತ್ತಿರುವುದು.Oನಿಮ್ಮ ರಜಾ ದಿನಗಳಲ್ಲಿ ದೀಪದ ಮನೆ/ಲೈಟ್ ಹೌಸ್ ನಿರ್ವಹಣೆಯ ಕಲೆ ಮತ್ತು ವಿಜ್ಞಾನವನ್ನು ಕಲಿಯಬಹುದು. ಗುಂಪಿನಲ್ಲಿ ಕುಳಿತು ಊಟ ಮಾಡುವಂತಹ ನಮ್ಮ ಗೋಲ್ ಘರ್, ನಿಮಗೆ ಸಸ್ಯಾಹಾರಿ ಮತ್ತು ಮಾಂಸಾಹಾರಿ ಖಾದ್ಯಗಳೆರಡನ್ನೂ ಒಳಗೊಂಡಿರುವಂತಹ ಆನಂದಾಯಕ/ಆಹ್ಲಾದಕರ ಬಫೇ ಊಟವನ್ನು ಹಾಕುತ್ತದೆ.  ಮೀನು, ಪ್ರಾನ್ಸ್ ಮುಂತಾದ ಸಮುದ್ರ ಆಹಾರವನ್ನು ನಾವು ಈ ಮೂಲಕ ಅತ್ಯಧಿಕವಾಗಿ ಶಿಫಾರಸು ಮಾಡುತ್ತಿದ್ದೇವೆ.ನೀವು ಕಾರವಾರ ಮತ್ತು ಸುತ್ತಮುತ್ತಲ ಪ್ರದೇಶಗಳಲ್ಲಿ ನಿಮ್ಮ ರಜೆಯನ್ನು ವಿಸ್ತರಿಸಿದಲ್ಲಿ, ಕೆಲವೇ ಗಂಟೆಗಳ ದೂರದಲ್ಲಿ ಅನುಭವಗಳ ಸಮ್ಮಿಶ್ರ ಅನುಭವಗಳನ್ನು ಪಡೆಯುವಿರಿ.

• ದಾಂಡೇಲಿಯ ನಮ್ಮ ಕಾಳಿ ಅಡ್ವೆಂಚರ್ ರೆಸಾರ್ಟ್ ನಲ್ಲಿ ಬೆಟ್ಟಗಳು, ಕಣಿವೆಗಳು ಮತ್ತು ಹೊರಾವರಣ ಕ್ಯಾಂಪುಗಳು ನಿಮ್ಮ ನಿರೀಕ್ಷೆಯಲ್ಲಿರುತ್ತವೆ.
• ಗೋವಾ ಕಾರವರದಿಂದ ಕೇವಲ 8 ಕಿಲೋಮೀಟರುಗಳ ದೂರದಲ್ಲಿರುವುದು
• ವಿಸ್ಮಯಕರ ಗಂಧದ ಮರ ಕೌಶಲ್ಯ ಕಸಬುಗಾರಿಕೆಯನ್ನು ಕಣ್ತುಂಬಿಕೊಳ್ಳಲು ಕುಮುಟಾ ಪಟ್ಟಣಕ್ಕೆ ಭೇಟಿ ಕೊಡಿ.
• ಯಾಣದ ಬಾನಂಚಿನವರೆಗಿನ ಗೋಪುರದ ಬಂಡೆಗಳಿಂದ ಆಗಿರುವ ರಚನೆಯು ಅತ್ಯಂತ ಸೊಗಸಿನಿಂದ ಕೂಡಿರುತ್ತದೆ.
• ರಾಮಾಯಣ ಕಾಲದಷ್ಟು ಹಿಂದಿನ ಅವಧಿಯಲ್ಲಿ ನಿರ್ಮಾಣವಾಗಿರುವಂತಹ ಹಾಗೂ ಭಾರತದ ಅತ್ಯಂತ ಹಳೆಯ ಹಾಗೂ ಅತ್ಯಂತ ಪವಿತ್ರ ದೇವಸ್ಥಾನಗಳಲ್ಲಿ ಒಂದು ಎಂಬುದಾಗಿ ಪರಿಗಣಿಸಲಾಗಿರುವಂತಹ ಮಹಾಬಲೇಶ್ವರ ದೇವಸ್ಥಾನಕ್ಕೆ ಭೇಟಿ ಕೊಡಿ.
• ದೇವಭಾಗ ಸಮೀಪದ ಅರಣ್ಯಗಳು ವನ್ಯಜೀವಿಗಳಿಂದ ತುಂಬಿರುತ್ತವೆ.ಈ ನಿಟ್ಟಿನಲ್ಲಿ ಒಂದು ಟ್ರೆಕಿಂಗ್ ಯಾವಾಗಲೂ ಒಂದು ಆನಂದದಾಯಕ ಪ್ರತಿಫಲವನ್ನು ನೀಡುತ್ತದೆ.

ಭೇಟಿ ನೀಡಲು ಸೂಕ್ತ ಕಾಲ

ದೇವಭಾಗ್ ಗೆ ಭೇಟಿ ಕೊಡಲು ಅಕ್ಟೋಬರ್ ನಿಂದ ಮೇ ತಿಂಗಳುಗಳು ಅತ್ಯುತ್ತಮವಾಗಿರುತ್ತದೆ.ಈ ರೆಸಾರ್ಟಿನ ಪ್ರಮುಖ ಆಕರ್ಷಣೆಯಾಗಿರುವಂತಹ ಜಲ ಸಾಹಸಕ್ರೀಡೆಗಳಿಗೆ ಬೇಸಿಗೆ ಕಾಲವು ಅತ್ಯುತ್ತಮವಾಗಿರುತ್ತದೆ. ಡಾಲ್ಫಿನ್ ಗಳು ಆಗಾಗ್ಗೆ ಸಮುದ್ರದ ಮೇಲೆ ಕಂಡುಬರುತ್ತವೆ ಹಾಗೂ ಮೀನುಗಳು ಮತ್ತು ಏಡಿಗಳು ಅನ್ಯ ಕಾಲಗಳಿಗಿಂತಲೂ ಅಧಿಕ ಉತ್ಸಾಹದಿಂದ ಇರುತ್ತವೆ.ಆಕಾಶವೂ ಕೂಡ ಬೇಸಿಗೆ ಕಾಲದಲ್ಲಿ ಪಕ್ಷಿಗಳನ್ನು ವೀಕ್ಷಿಸುವವರಿಗೆ ಆನಂದದಾಯಕವಾಗಿರುತ್ತದೆ.