ಕೆ. ಗುಡಿ ವೈಲ್ಡರ್ನೆಸ್ ಕ್ಯಾಂಪ್

ಸಾಮಾನ್ಯ ಅವಲೋಕನ

ಬಿಳಿಗಿರಿ ರಂಗನ ಬೆಟ್ಟಗಳ (ಬಿ.ಆರ್. ಹಿಲ್ಸ್)  ಸೌಂದರ್ಯತೆಗಳು ಕಲ್ಪನೆಗೆ ನಿಲುಕದಷ್ಟು ಇರುತ್ತವೆ. ನೆನಪಿನಲ್ಲಿ ಇಲ್ಲದಷ್ಟು ಕಾಲದಿಂದ ಕಾವಲುಗಾರನ ರೀತಿಯಲ್ಲಿ ನಿಂತಿರುವಂತಹ ಬೆಟ್ಟಗಳ ಸಾಲಿನಲ್ಲಿ ಪಶ್ಚಿಮ ಘಟ್ಟಗಳು ಪೂರ್ವ ಘಟ್ಟಗಳನ್ನು ಸಂಧಿಸುತ್ತವೆ, ಈ ಬೆಟ್ಟಗಳ ಸಾಲು ಅತ್ಯಂತ ಎತ್ತರದಲ್ಲಿ ಕಡಿದಾದ ಬಂಡೆಯ ಮೇಲೆ ನಿಂತಿರುವಂತಹ ದೇವಸ್ಥಾನದಿಂದ ತನ್ನ ಹೆಸರನ್ನು ಪಡೆದುಕೊಂಡಿರುವುದು. ಅರ್ಥೈಸಿಕೊಳ್ಳಲು ಅಥವಾ ವಿವರಿಸಲು ಸುಲಭವಾಗಿರದ, ಬಿಳಿಗಿರಿರಂಗನ ಬೆಟ್ಟಗಳು ವನ್ಯಜೀವಿಗಳ ಕಡೆಗೆ ಅಗಾಧ ಪ್ರೀತಿಯನ್ನು ಹೊಂದಿರುವವರಿಗಾಗಿಯೇ ಇರುವಂತಿದೆ. ಕರ್ಕಶ ಶಬ್ದ/ದ್ವನಿಗಳಿಗೆ ಈಡಾಗಿರುವ ನಿಮ್ಮ ನರಗಳನ್ನು ಮತ್ತು ಕಾರುಗಳ ಹಾರನ್ನಿಗೆ ಹೊಂದಿಕೊಂಡಿರುವಂತಹ ನಿಮ್ಮ ಕಿವಿಗಳನ್ನು ಹಕ್ಕಿಗಳ ಹಾಡಿಗೆ ಹಾಗೂ ಮರಗಳ ಪಿಸುಗುಟ್ಟುವಿಕೆಗಳಿಗೆ ಒಪ್ಪಿಸಿಬಿಡಿರಿ. ಇದು ಕ್ಯಾತದೇವರಾಯ ಗುಡಿ ವೈಲ್ಡರ್ ನೆಸ್ ಕ್ಯಾಂಪಿನಲ್ಲಿ ಅನುಭವಕ್ಕೆ ಬರುತ್ತದೆ.

ಅನುಭವ

ಕ್ಯಾತದೇವರಾಯ ಗುಡಿ ವೈಲ್ಡರ್ ನೆಸ್ ಕ್ಯಾಂಪು ನೀವು ಪ್ರಕೃತಿಯೊಂದಿಗೆ ಅತೀ ಸಮೀಪವಾಗಿ ಮತ್ತು ವೈಯಕ್ತಿಕವಾಗಿ ಬೆರೆಯುವ ಒಂದು ಅವಕಾಶವನ್ನು ಮಾಡಿಕೊಡುತ್ತದೆ. ಹೆಸರೇ ಹೇಳುವಂತೆ, ಒಂದು ಕ್ಯಾಂಪಿನಿಂದ ಪ್ರತಿಯೊಂದನ್ನೂ ನೀವು ನಿರೀಕ್ಷಿಸಬಹುದು. ಇದು ಸಾಹಸಕಾರ್ಯ/ಅಸಾಧಾರಣ ಶೌರ್ಯವನ್ನು ಉಚ್ಚರಿಸುತ್ತದೆ ಹಾಗೂ ಅರಣ್ಯದ ನೀತಿಸಂಹಿತೆಗಳನ್ನು ಹೇಳುತ್ತದೆ  ನಿಮ್ಮ ಸುತ್ತಮುತ್ತಲೂ ಇರುವಂತಹ ಪ್ರತಿಯೊಂದಕ್ಕೂ ಗೌರವ ನೀಡಿರಿ.  ಬಿಳಿಗಿರಿರಂಗನಾಥ ಸ್ವಾಮಿ ದೇವಸ್ಥಾನ ವನ್ಯಜೀವಿ ಅಭಯಾರಣ್ಯವು ಅದರ ಹೆಸರಿಗೆ ತಕ್ಕಂತೆ ಇರುವುದು ಹಾಗೂ ವನ್ಯಜೀವಿಗಳನ್ನು ಗುರುತಿಸುವುದು/ವೀಕ್ಷಿಸುವುದು ಈ ಭಾಗಗಳ ಪ್ರಮುಖ ಆಕರ್ಷಣೆಯಾಗಿರುತ್ತದೆ. ಇದು ಆನೆ, ಕಾಣುಕೋಣ, ಹುಲಿ ಹಾಗೂ ಚಿರತೆಗಳ ಪ್ರದೇಶವಾಗಿದೆ

ವೆಲ್ವೆಟ್ ಮುಂಬಾಗವನ್ನು ಹೊಂದಿರುವ ನುಥಾಚ್, ಚಿನ್ನದ ಮುಂಬಾಗವನ್ನು ಹೊಂದಿರುವ ಕ್ಲೋರೋಪ್ಸಿಸ್, ಕುಸುಮಮಂಜರಿ ತಲೆಯನ್ನು ಹೊಂದಿರುವ ಪ್ಯಾರಾಕೀಟ್ ಗಿಳಿಗಳು ಹಾಗೂ ಮಲಬಾರ್ ಶಿಳ್ಳೆಯನ್ನು ಹಾಕುವ ಕೃಷ್ಣಪಕ್ಷಿ ಅಥವಾ ಕೋಗಿಲೆ ಇವುಗಳನ್ನು ಒಳಗೊಂಡಂತೆ ಅರಣ್ಯಗಳು 250ಕ್ಕೂ ಹೆಚ್ಚಿನ ಸಂಖ್ಯೆಯ ಪಕ್ಷಿವರ್ಗಗಳೊಂದಿಗೆ ಸಮೃದ್ಧವಾಗಿರುತ್ತದೆ. ಪ್ರಕೃತಿ ಶಾಸ್ತ್ರ ತಜ್ಞರುಗಳೊಂದಿಗೆ ಅರಣ್ಯದ ಒಳಗಡೆಗೆ ಜೀಪಿನಲ್ಲಿ ಸವಾರಿ  ಹೋದಲ್ಲಿ,  ಕಾರ್ಯಕ್ರಮದ ಯಾವುದೇ ಭಾಗವನ್ನು ನೀವು ತಪ್ಪಿಸಿಕೊಂಡಿದ್ದಲ್ಲಿ ಅವರು ನಿಮಗೆ ಸ್ಪಷ್ಟಪಡಿಸುವರು. ನಾವು ಜೀಪಿನಲ್ಲಿ ಅರಣ್ಯದ ಒಳಗಡೆಗೆ ದಿನದಲ್ಲಿ ಎರಡು ಸಲ ಹೋಗುತ್ತೇವೆ – ಬೆಳಿಗ್ಗೆ ಸೂರ್ಯ ಹುಟ್ಟುವ ಸಮಯದಲ್ಲಿ ಹಾಗೂ ಮತ್ತೊಂದು ಸಲ ಸೂರ್ಯ ಮುಳುಗುವ ಮುಂಚಿತವಾಗಿ. ಬಿಳಿಗಿರಿರಂಗನ ಬೆಟ್ಟವನ್ನು ಕಾಲ್ನಡಿಗೆಯಲ್ಲಿಯೂ  ಆವಿಷ್ಕರಿಸಬಹುದು.

ಸಂಜೆಯ ವೇಳೆ ವಿರಮಿಸುವ ಸಮಯವಾಗಿರುತ್ತದೆ :  ನೀವು ಕ್ಯಾಂಪು ಬೆಂಕಿಯನ್ನು ಆಯ್ಕೆ ಮಾಡಿಕೊಳ್ಳಬಹುದು (ಬೇಸಿಗೆ ಕಾಲಗಳು ಹಾಗೂ ಮಳೆಗಾಲಗಳಲ್ಲಿ ಲಭ್ಯವಿರುವುದಿಲ್ಲ) ಅಥವಾ ಆಡಿಯೋ ವಿಷ್ಯುಯಲ್ ನ ದೊಡ್ಡ ಕೊಠಡಿಯಲ್ಲಿ ವನ್ಯಜೀವಿಗಳ ಬಗ್ಗೆ ಚಲನಚಿತ್ರವನ್ನು ವೀಕ್ಷಿಸಬಹುದು.ರಾತ್ರಿಯ ಊಟವನ್ನು ಗೋಲ್ ಘರ್ ನಲ್ಲಿ ಜಂಗಲ್ ಲಾಡ್ಜಸ್ ಅಂಡ್ ರೆಸಾರ್ಟ್ಸ್ ನ ಶೈಲಿಯಲ್ಲಿ ನೀಡಲಾಗುವುದು : ಗುಂಪಿನಲ್ಲಿ ಕುಳಿತು ಮಾಡುವಂತಹ ಬಫೇ ಊಟ. ನೀವು ಸ್ಪಲ್ಪ ಹೆಚ್ಚು ಕಾಲ ನಮ್ಮೊಂದಿಗೆ ಇರುವ ಯೋಜನೆಯನ್ನು ಮಾಡಿದಲ್ಲಿ, ಬಿಳಿಗಿರಿರಂಗನ ಬೆಟ್ಟಕ್ಕೆ ಒಂದು ಪ್ರವಾಸವನ್ನು ಏರ್ಪಡಿಸಬಹುದು. ಅತಿ ಎತ್ತರದಲ್ಲಿ ಬಂಡೆಯ ಮೇಲೆ ನಿಂತಿರುವಂತಹ ಆಧ್ಯಾತ್ಮಿಕ ಶಕ್ತಿಯ ಬಿಳಿಗಿರಿ ರಂಗನಾಥಸ್ವಾಮಿಯ ದೇವಸ್ಥಾನಕ್ಕೆ ಒಂದು ಭೇಟಿಯು  ಅತ್ಯಗತ್ಯವಾಗಿರುತ್ತದೆ.  ಸ್ಲಾತ್ ಕರಡಿಗಳು, ಕಾಡು ನಾಯಿಗಳು, ಬೊಗಳುವ ಜಿಂಕೆಗಳು, ಚುಕ್ಕೆ ಜಿಂಕೆಗಳು, ಕಾಡು ಹಂದಿಗಳು, ಮಲಬಾರ್ ಬೃಹತ್ ಗಾತ್ರದ ಅಳಿಲುಗಳು ಹಾಗೂ ಸಂಪೂರ್ಣ ವನ್ಯ ಪ್ರಾಣಿವರ್ಗಗಳು ನಿಮ್ಮನ್ನು ಇನ್ನೂ ಸ್ಪಲ್ಪ ಸಮಯ ಅಲ್ಲಿಯೇ ಕಳೆಯುವಂತೆ ಪ್ರೇರೇಪಿಸುತ್ತವೆ.

ಕ್ಯಾಂಪು ಹುಲಿಗಳ ಮೀಸಲು ಪ್ರದೇಶಕ್ಕೆ ಸಮೀಪವಿರುವುದರಿಂದ, ಕ್ಯಾಂಪಸ್ಸಿನಲ್ಲಿ ಮದ್ಯಪಾನವು ಸಂಪೂರ್ಣವಾಗಿ ನಿಷೇದಿತವಾಗಿದೆ.

ಗಮನಿಸುವುದು : ವಿದ್ಯುತ್ ಸರಬರಾಜು ಹಗಲು ಮತ್ತು ರಾತ್ರಿ ಸಂಪೂರ್ಣವಾಗಿ ಲಭ್ಯವಿರುವುದಿಲ್ಲ, ಅದು ಬೆಳಗಿನ ಸಫಾರಿಗೆ 45 ನಿಮಿಷ ಮುಂಚಿತವಾಗಿ, ಸಂಜೆ 06.30ರಿಂದ 10.15ರ ನಡುವೆ 2-3 ಗಂಟೆಗಳವರೆಗೆ ಮಾತ್ರ ಲಭ್ಯವಿರುತ್ತದೆ.

ಭೇಟಿ ನೀಡಲು ಸೂಕ್ತ ಕಾಲ

ಕ್ಯಾತದೇವರಾಯ ಗುಡಿ ವೈಲ್ಡರ್ ನೆಸ್ ಕ್ಯಾಂಪಿಗೆ ಭೇಟಿ ನೀಡಲು ಯಾವುದೇ ಸಮಯವು/ಕಾಲವು ಉತ್ತಮವಾಗಿರುತ್ತದೆ. ಸಮುದ್ರ ಮಟ್ಟದಿಂದ 1800 ಅಡಿಯಿಂದ 6000 ಅಡಿಗಳ ಎತ್ತರದಲ್ಲಿ ಇರುವುದರಿಂದ ನಿಸರ್ಗಧಾಮವು ವರ್ಷ ಪೂರ್ತಿ ಒಂದು ಆಹ್ಲಾದಕರ ವಾತಾವರಣವನ್ನು ಹೊಂದಿರುತ್ತದೆ. ಕಾಲಗಳನ್ನು ಹೊರತುಪಡಿಸಿದಂತೆ, ವನ್ಯಜೀವಿಗಳು ವರ್ಷಪೂರ್ತಿ ಕಾಣಿಸಿಕೊಳ್ಳುವ  ವಿಫುಲ ಅವಕಾಶಗಳಿರುತ್ತವೆ.